Sex sa internet

Dear Noy Kulas,

Good day nimo ug sa imong mga kauban diha. Tawga lang ko og Laura, 36 years old ug single pa. Kadaghan na ko nakaagi og relationship but failed.

Karon ang akong latest boyfriend taguon lang nato sa name nga Nilo. Naa siya sa abroad nag work. Minyo siya but buwag sila sa iyang asawa kay kuno nakakita og laing lalaki. Kani siya 40 years old na ug naa niya ang iyang mga anak nga giatiman sa iyang mga ginikanan.

Mga seven months na mi sa among relationship. Karon nga nagkadugay, mag-estorya na mi og intimate like sex. More than a month na mi nga mag sex through sa video kay ni assure siya nga safe mi sa among gibuhat. Ambot na hook na ko sa among gibuhat kay ganahan ko kay wa may actual nga gibuhat so safe ko from pregnancy. Nisamot na ang akong kamingaw ug feeling niya.

Okay ra ba ning ing ani lang una mi? Di ba kaha mi maproblema in the future? Natural ra ba ni ang akong feeling? Please tambagi ko. Daghang salamat.

LAURA

Laura,

Kanang natural broad kaayo na kon maghisgot tag human behavior kay kada tawo lainlain man og response sa usa ka hitabo. Like nianang imoha nga tungod sa inyong intimate moments, nisamot ang imong gugma alang kaniya. Naay uban hilasan. Di na ikahibung kay nagkalawom ang inyong engagement. But angay kang magmatngon kay engkaso og ma hack ang inyong account or basin siya mag record ug dunay maka access sa iyang phone, patay mong duha. Huna-hunaa ninyo og maayo.

Ipaklaro lang sa iyaha ang inyong direksyon, unsay iyang mga plano alang ninyong duha kay basin gigamit lang kang pahungawan niya. Ayaw kaayo og kompyansa labina, sa akong pagtuo, wa pa mo magka meet personal ug di pa hingpit ang imong pagkaila niya.

Careful kanunay kay basin mapareho ka sa uban, mabiktime sa cyber crime.

NOY KULAS