Angeline Quinto engaged na?
Wa pa hinuoy konpirmasyon gikan ni Angeline Quinto kon engaged na ba kini ngadto sa iyang non-showbiz partner nga si Nonrev Daquina.
Si Nonrev maoy amahan sa anak sa singer nga si Baby Sylvio nga tulo pa lang ka buwan, taho sa ABS-CBN.
Makita sa picture nga gi-share ni Angeline sa iyang Instagram account nga nagpakita sa iyang gisul-ob nga singsing nga gituohan nga engagement ring.
Dungan sa maong post ang mga hulagway sa ilang pagpamakasyon sa Quezon Province, nga pinitsahan niadtong Hulyo 28.
Ang maong pagpamakasyon mao sab ang labing unang higayon nga naka-out of town ang ilang anak nga si Sylvio.
Sa comment section giuwan og pangutana si Angeline kon ang singsing nga iyang gisul-ob usa ka engagement ring, o engaged na ba silang duha.
Apan way gihatag nga katin-awan si Angeline. /