DeRozan gihaylo motapon sa GSW
Gibutyag ni Golden State Warriors forward Draymond Green sa iyang podcast nga “The Draymond Green Show” nga gisuwayan niya pagdani si DeMar DeRozan nga mobalhin sa Warriors sa 2021 offseason sa National Basketball Association (NBA).
Matod ni Green nga kon nipatuo pa kaniya si DeRozan, kinsa iyang suod nga higala, hayan kauban unta kini niya sa pagsaulog og kampyunato sa 2021-22 season.
Gikan sa San Antonio Spurs, mas gipalabi ni DeRozan nga mobalhin sa Chicago Bulls kaysa tumanon ang sugyot ni Green.
Si DeRozan wala pa nakatilaw og kampyunato.