PBA mohatag og full support sa Gilas
Mohatag og kinatibuk-ang suporta ang Philippine Basketball Association (PBA) sa programa sa Gilas Pilipinas, nga adunay dagkong mga tahas nga sagubangunon sa umaabot.
Sa sayo pa, ang PBA mitugot nang daan nga makahuwam og mga magduduwa ang Gilas gikan sa 10 ka teams nga dili makasulod sa finals sa 2022 Philippine Cup alang sa kampanya niini sa 4th window sa FIBA World Cup Asian Qualifiers sa sunod sa buwan.
Nakadesisyon sab ang PBA nga duha na lang ka mga komperensya ang ilang ipahigayon sa sunod nga season aron paghatag og agianan sa 2023 FIBA World Cup diin co-host ang Pilipinas kauban ang Indonesia ug Japan.
“All-out ang support natin para sa Gilas,” matod ni league commissioner Willie Marcial nga napatik sa www.pba.ph. “Okay na sa board na two conferences lang tayo next season. Tinitignan namin by September next year ang start after the World Cup, most likely All-Filipino then may isang import conference.”
Si Gilas coach Chot Reyes nagtinguha nga pormahon ang labing lig-ong team sa Pilipinas sukad masukad alang sa FIBA World Cup.