SuperBalita Cebu

Supplier sa P1.5M nga illegal drugs nailhang piniriso sa Cebu City Jail

-

Moabot sa P1.5 milyones ang balor sa gituohang shabu sa usa ka buy-bust sa Drug Enforcemen­t Unit (DEU) sa dakbayan sa Talisay pasado alas 10:00 sa Biyernes sa gabii, Hulyo 29,2022 sa Barangay Tangke.

Ang suspek giilang si Jedy Selitorio, alyas “Judy,” 23, lumad nga taga Sityo Alaska, Barangay Mambaling, Siyudad sa Sugbo. Nasuta nga ang iyang supplier piniriso sa Cebu City Jail.

Si Selitorio nakuhaan og 230 gramos sa mga pulis nga dunay street drug price nga P1.5 milyones.

Ang hepe sa Talisay City Police Station, Police Lieutenant Colonel Randy Caballes, nibutyag nga kapin sa usa ka semana nga gimontor nila si Selitorio hangtud nga naplano ang buy-bust.

Matod ni Caballes nga si Selitorio makabaligy­a og drugas nga moabot og usa ka kilo matag buwan.

Giangkon ni Selitorio nga usa ka Edcel o mas nailhan niya sa tawag nga Agaw ang nagsuplay kaniya og drugas.

Ihatud lang kini sa tawo nga maoy sugoon ni Edcel, apan si Selitorio wala kaila niini.

Matod ni Caballes nga ang Edcel nga gitumbok sa suspek kasamtanga­n anaa sa sulod sa Cebu City Jail.

Kaso nga kalapasan sa RA 9165 kun Comprehens­ive Dangerous Drugs Act of 2002 ang ipasaka batok kang Selitorio.

PINAMUNGAJ­AN Samtang nasikop sa kapulisan ang idlas nga 64 anyos nga lalaki nga wanted sa kasong pagpamalig­ya’g ilegal nga drugas alas 2:45 sa hapon sa Biyernes, Hulyo 29, 2022, sa Barangay Pandacan, lungsod sa Pinamungaj­an.

Si Arnuld Dejito Ferrer, minyo, taga Sityo Dakit, Barangay Poblacion, nasikop pinasikad sa warrant of arrest nga giisyu ni Judge Ruben Altubar sa Branch 29 sa Regional Trial Court (RTC) 7 sa Toledo City nga giluwatan niadtong Hulyo 28, 2022.

Si Major Vincent Zozobrado, hepe sa Pinamungaj­an Police Station nga nahinabi sa Superbalit­a Cebu, nagkanayon nga si Ferrer nakalusot sa duha ka probation sa iyang kasong kalapasan sa Section 5 sa Republic Act (RA) 9165.

Nakaserbis­yo na kini sa unang probation unya nadakpan og balik ug gibuhian human sa ikaduhang probation.

Matud ni Zozobrado nga nakoykoyan sa korte ang mga dokumento nga naka-avail na diay kini sa unang probation hinungdan nga giisyuha’g warrant of arrest.

Apan naglisod ang kapulisan kay idlas si Ferrer kay magtabokta­bok sa lainlaing barangay.

 ?? / TAMPO ?? NASIKOP: Ang suspek nga si Jedy Selitorio, alyas “Judy,” 23, nasikop sa buy-bust sa Talisay police ug nakuhaan og P1.5 milyunes nga balor sa illegal drugs. Giingong ang iyang supplier piniriso sa Cebu City Jail.
/ TAMPO NASIKOP: Ang suspek nga si Jedy Selitorio, alyas “Judy,” 23, nasikop sa buy-bust sa Talisay police ug nakuhaan og P1.5 milyunes nga balor sa illegal drugs. Giingong ang iyang supplier piniriso sa Cebu City Jail.

Newspapers in Cebuano

Newspapers from Philippines