SuperBalita Cebu

‘Mitulis’ sa call center agent sa Bohol nasikop tungod sa motor

-

Hamtong lalaki nga ningtulis sa usa ka call center agent sa lungsod sa Panglao, probinsiya sa Bohol sa Biyernes pasado alas 7:00 sa gabii, Hulyo 29,2022 nasikop pinaagi sa nagpakaban­ang mga residente sa lungsod nga nakabantay sa hitabo.

Biktima nasamad sa liog human dut-i sa kutsilyo sa gikatahapa­ng tulisan.

Si Police Staff Sergeant Rommel Villareal sa Panglao Police Station niila sa suspek nga si Dante Somoban, 45, usa ka constructi­on worker, taga Barangay Sagbayan Sur, lungsod sa Sagbayan, Bohol.

Samtang ang biktima giila nga si Diosebel Bondalo, 26, dalaga, taga Barangay Tangnan, lungsod sa Panglao.

Matud ni Villareal nga si Bondalo gikan sa Barangay Lourdes sa mao ra usab nga lungsod kay dunay giadto sa iyang kaubanan sa trabaho.

Sa iyang pag-uli duha pa ka kilometro ang gilay-on gikan sa ilang pinuy-anan sakay sa iyang motorsiklo, gisundan siya ni Somoban.

Sa pag abot na sa ngitngit nga dapit sa Barangay Tangnan, siya gibabagan dayon gitulis.

Una pa nakuha sa suspek ang kwarta nga P2,000 ug identifica­tion (ID) cards sa biktima, nahitabo ang nilayogay, apan tungod sa kakusgan ni Somoban, nagmalampu­son siya sa pagkuha sa mga butang sa biktima dayon nakasibat.

Si Bondalo natingala kon nganong dunay misirit nga dugo sa iyang liog kay duna diay siyay samad dinunggaba­n sa liog.

Alas 11:00 pasado sa gabii, usa ka nagpakaban­a nga residente nakabantay nga dunay motorsiklo nga giabanadon­a sa Barangay Libaong sa maong lungsod.

Sa pagsusi sa kapulisan sa lungsod sa Panglao, nahibaw-an nga nagtugma ang motorsiklo nga gigamit sa pagtulis sa Brgy. Tangnan.

Gisubay kon kinsa ang tagiya sa motorsiklo hangtud nga natultolan nila si Somoban ug gidakop.

Newspapers in Cebuano

Newspapers from Philippines