SuperBalita Cebu

971 ka tawo nakabenipi­syo sa fuel discount cards sa DA

-

Moabot sa 971 ka mga indibidwal sa nagkadaiya­ng mga lungsod sa probinsya sa Sugbo ang nakabenepi­syo sa giapod-apud nga fuel discount cards sa Department of Agricultur­e (DA) Central Visayas atol sa pagbisita niini sa mga lokalidad.

Sa maong gidaghanon, 717 ang mga mag-uuma nga gikan sa 33 ka mga barangay sa lungsod sa Argao ug 34 usab gikan sa Barangay sa Dumanjug.

Samtang ang 220 niini mga mananagat nga gikan sa lungsod sa Minglanill­a, dakbayan sa Naga ug Carcar, lungsod sa Argao, Boljoon, Oslob, Malabuyoc, Badian, Moalboal, Alcantara, ug Barili.

Ang matag benepisary­o makakuha og fuel discount card nga adunay kantidad nga P 3,000 nga gamiton lang alang sa pagpatubil sa tractor, corn mill ug sheller sa mga mag-uuma.

Samtang mga motorized bangka usab alang sa mananagat, ug uban pang makinarya sa pang-agrikultur­a.

Nagtuo ang buhatan nga dako kini og abag sa naasoyng sektor ilabi na sa dili mapugngan nga pag-usab-usab sa presyo sa produktong petrolyo nga labing gamitonon alang sa pagproseso sa mga pagkaon.

Newspapers in Cebuano

Newspapers from Philippines