SuperBalita Cebu

DOH: Ghosting bill nagpakita sa kaimportan­te sa mental health

- / HDT sa SunStar Philippine­s

Gihangop sa Department of Health (DOH) ang mga diskusyon sa gisugyot nga “anti-ghosting” bill, sa pag-ingon nga bisan unsa pay padulngan niini sa Kongreso, kini nagpakita sa kamahinung­danon sa kahimsog sa pangisip.

Sa usa ka virtual press briefing, si DOH Deputy Spokespers­on Dr. Beverly Ho miingon nga sila nagtuo nga ang proposal ni Negros Oriental Third District Representa­tive Arnolfo Teves makabenepi­syo sa mental health advocacy sa gobyerno.

“We appreciate the effort of Representa­tive Teves to highlight the importance of mental health, especially among the youth today,” matod ni Ho.

“Ghosting is a very cultural, casual term but... (can be included) in the overall programs that we have on mental health,” siya nidugang.

Matod ni Ho nga ang ghosting mahimong usa ka balido nga isyu sa kahimsog sa pangisip base sa ilang kasinatian sa helpline sa National Center for Mental Health.

“Issues on relationsh­ips are among the top three reasons

why people or young people would actually call the hotline

numbers,” matod ni Ho. Sayo sa miaging semana, si Teves nisang-at og balaudnon nga nagtinguha sa pagdeklara­r sa buhat sa “ghosting” isip usa ka matang sa emosyonal nga pag-abuso.

Namatikdan ni Teves kon giunsa ang pagputol sa usa ka tawo sa tanan nga mga matang sa komunikasy­on nga mahimong hinungdan sa mental, pisikal, ug emosyonal nga pag-antos sa biktima sa ghosting.

Newspapers in Cebuano

Newspapers from Philippines