SuperBalita Cebu

Border control sa Basilan gihugtan

- / JGS uban ni TPM sa SunStar Philippine­s

Gihugtan sa Philippine National Police (PNP) ang border control sa Lamitan City, Basilan human gipusil-patay niadtong Biyernes, Hulyo 29, ang amahan sa giingong gunman sa pagpamusil sa Ateneo de Manila.

Si Lieutenant General Vicente Danao Jr., PNP officerin-charge, niingon nga ang kapulisan nagbutang sa mga checkpoint samtang nagkataas ang tensyon human sa pagpatay kang Rolando Yumol, 69, kinsa gipusil sa gawas sa iyang balay sa Barangay Maganda, Lamitan City. Nakaangkon siya og upat ka samad pinusilan sa dughan.

“We adhere to the mandate of Interior Secretary Benhur Abalos and to halt the possible escape of the gunmen,”

matod ni Danao sa usa ka pamahayag.

Gipangayo usab niya ang tabang sa publiko sa pag-alerto sa pagpatuman sa balaod ni bisan kinsa nga kadudahang mga tawo sa ilang lugar ug aron malikayan ang diha-diha nga konklusyon

bisan wa pa naklaro kinsa ang mamumuno.

“Let the probe take its course. We need concrete proof to establish the motive of the

crime,” dugang ni Danao. Ang mga pulis sa Bangsamoro nitutok sa rido, o usa ka matang sa clan feuding sa Mindanao, nga maoy hinungdan sa pagpatay.

Ang anak ni Yumol nga si Dr. Chao Tiao, nipusil patay kang kanhi Lamitan City mayor Rose Furigay sulod sa Ateneo de Manila University sa Quezon City niadtong Hulyo 24 sa dihang motambong unta siya sa graduation sa iyang anak nga babaye sa law school. Gipatay usab ni Tiao ang executive assistant ni Furigay nga si Victor Capistrano ug ang security guard sa Ateneo campus nga si Jeneven Bandiala.

Ang anak nga babaye ni Furigay nasamdan usab sa insidente ug kasamtanga­ng gipaubos sa nagkalainl­aing operasyon tungod sa mga samad nga iyang naangkon.

Si Dr. Chao Tiao napriso sa Camp Karingal, Quezon City,

ug nag-atubang og daghang mga kaso sa pagpatay.

“I call on the public to cooperate with police investigat­ors. If anyone has any informatio­n that may help the PNP solve the case, I ask you to please come forward,” matod ni Abalos.

MOTIBO

Matod ni Dr. Yumol, iyang gipatay si Furigay tungod sa dugay na nga panagbingk­il sa iyang pamilya.

Si Yumol gikiha sa kampo ni Furigay og kapin sa 70 ka ihap sa cyberlibel, nga gituohang may kalambigit­an sa pipila ka mga pagpanaut nga iyang gihimo sa social media.

Matod niya usa lang kini sa mga babag nga nakapugong niya sa pagtrabaho sa iyang pagka doktor.

Gipasangin­lan usab ni Yumol si Furigay nga nalambigit sa illegal drugs trade, nga hugot nga gipanghima­kak sa kampo sa kanhi mayor.

Matod sa abogado ni Furigay, gisaway ni Yumol ang kanhi mayor dihang iyang gipatuman ang cease-and-desist order sa Bangsamoro government batok sa iyang klinika nga tupad ra sa municipal hall sa Lamitan.

Newspapers in Cebuano

Newspapers from Philippines