SuperBalita Cebu

Pangompra sa Carbon moharuhay

-

Sa pagpamalig­ya o negusyo, ang customer relations importante kaayo. Di lang sa pagtagad, kon di apil na ang mahatag sa negusyante nga maayong lugar nga kapalitan sa iyang kliyente. Sama sa merkado publiko sa Carbon nga bag-o lang gipailawom sa clearing operation sa Siyudad sa Sugbo aron makasugod na ang Megawide Constructi­on Corp. sa ilang pagtrabaho sa unang phase sa modernong merkado, gikinahang­lang maayo ang pagpamalit sa publiko.

Apan panahon sa uwan, naghitak sa tubig ug lapok ang Carbon. Naghuot usab ang mga tindahan, labina sa Freedom Park ug Warwick Barracks nga maoy madali-dali niadtong nangita og baratong mga baligya itandi sa presyo sa malls.

Di usab luwas ang mga mamalitay base sa nangahitab­o nga mga pagpanguot ug uban pa nga mga krimen nga gihimo sa dautang mga elemento.

Bisan tuod sa mga krimen ug uban pang di maayo nga sitwasyon, sama sa grabeng kahuot sa trapiko sukad pa kaniadto, daghan gihapon ang nangompra tungod kay diha ra man barato ang presyo sa mga palaliton. Apan unsa kaha kon usbon ang kahimtang sa merkado publiko ngadto sa moderno, diin hugot na ang seguridad, hamugaway ang butangan sa vendors ug hayahay na ang espasyo nga sudlan sa mga mamalitay?

Kon mag-uwan, di na maghitak ang dapit kay duna na may igong drainage system nga gibutang ang Megawide Constructi­on Corp. Gihawanan na sab sa Siyudad ang kinabag-an sa kadalanan libot sa Carbon busa makapaabot ang mga mangomprah­ay og mas hamugaway nga agianan sa mga sakyanan.

Di na sab mag-antos sa epekto sa uwan ang mga mamalitay sa kanhi sa gihawanan nga Freedom Park tungod kay maayo na man nga estruktura ang gibalhinan­an sa kapin 700 ka vendors sa interim market. Kon mahuman na ang pagmoderno sa Carbon, maayo nga panginabuh­i ang masinati sa vendors ug haruhay na usab ang pagpangomp­ra sa mga Sugboanon nga nag-aguwanta sa kahimtang sa karaan nga Carbon.

 ?? ??

Newspapers in Cebuano

Newspapers from Philippines