SuperBalita Cebu

WAY HUNONG SA PAGPANGUTO­T

NUNOT SA HAM ROLL

- CO.UK

Usa ka amahan ang nikiha ug nangayo og 200,000 pounds o kapin sa P13 milyones nga danyos nunot lang sa gikaon nga ham roll mga lima ka tuig na ang nilabay.

Sumala ni Tyron Prades nga human siya nakakaon sa maong pagkaon gikan sa food stall sa Christmas market sa Birmingham niadtong Disyembre 2017, way hunong iyang pagpanguto­t.

Ang 46 anyos nagkanayon nga ang iyang kondisyon nakapamata kaniya matag gabii ug kanunay siyang mauwawan kon mangutot siya sa publiko.

Sa iyang reklamo nga naglain iyang lawas human siya nakakaon sa maong roll ug nag-urong lang siya sa iyang katre sud sa lima ka mga semana.

“The claimant continues to suffer from excessive flatulence, which causes him a great deal of embarrassm­ent,” ni Robert Parkin, legal counsel ni Prades.

“The symptoms are, primarily, fatigue and altered bowel function associated with ‘churning’ within his abdomen and flatulence. The claimant’s stomach continues to make frequent churning noises to the extent his sleep can become disrupted,” dugang pa niini.

Sigun ni Parkin nga adunay salmonella ang ham ug nasakit sab ang ubang costumer. Gani, ang Public Health England nihimo og imbestigas­yon niadto.

Apan gihimakak ang maong pasangil sa pangulo sa Christmas markets ug nagkanayon nga e.coli ug di salmonella ang nakit-an sa otoridad sa dapit, base sa taho sa The Sun.

 ?? ??
 ?? / INDIATIMES, LADBIBLE ?? ■ SI’G PANGUTOT: Human nakakaon og ham sandwich niadtong 2017, way hunong sa pagpanguto­t kining 46 anyos nga si Tyron Prades (tuo) didto sa UK. Tungod niini, nikiha siya og nangayo’g kapin sa P13 milyones nga danyos sa management sa Christmas market diin napalit niya ang sandwich.
/ INDIATIMES, LADBIBLE ■ SI’G PANGUTOT: Human nakakaon og ham sandwich niadtong 2017, way hunong sa pagpanguto­t kining 46 anyos nga si Tyron Prades (tuo) didto sa UK. Tungod niini, nikiha siya og nangayo’g kapin sa P13 milyones nga danyos sa management sa Christmas market diin napalit niya ang sandwich.

Newspapers in Cebuano

Newspapers from Philippines