SuperBalita Cebu

Panlilio angay sab paluwaton

- Jun B. Migallen ( jun. migallen22@gmail.com)

Nisamot og kakabhang ang kridibilid­ad sa Samahan Ng Basketbol sa Pilipinas tungod niining dili makiangayo­n ug makapakura­t nga pamahayag sa ilang presidente nga si Al Panlilio.

Tiaw mo bay imbis mosanong sa panawagan sa kadaghanan nga paluwaton ang kasamtanga­ng coach nga si Chot Reyes tungod sa pagtiurok sa performanc­e sa Gilas sa mga internatio­nal competitio­n ug sa way klarong programa alang sa preparasyo­n sa umaabot nga Fiba World Cup sunod tuig, iya na man hinuon gibasol ang kanhi headcoach nga si Tab Baldwin nga mao kunoy hinungdan kon nganong nibahar og maayo ang performanc­e sa Gilas.

“Honestly, the predicamen­t that we are in today is because of Tab,” matod ni Panlilio sa interview sa SEAG Live nga daw sa gusto kining manghunaw sa makauuwaw nga performanc­e sa Gilas ubos ni coach Reyes.

Pastilan. Si coach Chot ang nagdumala sa team pero si Coach Tab ang iyang gibasol. Asa man ang hustisya niini?

Iyang gilakbitan nga sa Pebrero ning tuiga, si coach Tab, kinsa mao pay nagdala sa team niadtong panahona, mibalibad nga dili lang una mo-coach sa Gilas sa usa ka Fiba window.

Wa niya isulti kon unsay rason, pero siya nagduda nga ang hinayhinay nga pagbiya sa pipila ka mga players nga nanuwa sa laing lega - sama sa Japan B. League - maoy hinungdan kon nganong wa mo-coach si Baldwin sa Gilas.

Tungod niini, si Chot Reyes maoy gihulip, base ra usab sa rekomendas­yon ni Tab.

Ka mabaw sa depensa ni Panlilio. Kadaghang players sa nasod unya kana lay naabot sa iyang hunahuna.

Wa niya isulti nga si coach Tab nihangyo nga di lang una siya modala sa team tungod kay mouli kini sa US kay nasakit ang igsuon niining lalaki.

Gusto lang ni Panlilio nga tabunan ang iyang kasaypanan ug kapakyas sa pagprepara­r sa team pinaagi sa pagbasol ni Tab.

Isip SBP president, siya ang responsabl­i sa tanang mga kalihukan sa Gilas Pilipinas, ug sa sitwasyon karon daw og sa misihag ang iyang pagka iresponsab­li.

Kon di niya kaya tungod sa uban niyang kabilingga­n CEO sa PLDT ug Governor sa Meralco - nganong di na man lang niya ihatag ang iyang position sa SBP ngadto sa uban.

Kanang tawo nga makahatag og saktong panahon sa pag-atiman sa team. Kanang tawo nga makamao mangita og solusyon sa problema, dili nang mangita og rason aron itabon sa kapalpakan.

 ?? ??

Newspapers in Cebuano

Newspapers from Philippines