SuperBalita Cebu

APOLINARIO WORLD CHAMP NA

-

Nakabaton na usab og world champion ang Pilipinas human nabakante kini gumikan sa pagkapukan sa upat ka mga world champion sa miaging pito ka mga buwan.

Kini human gipakaging ni Dave “Dobberman” Apolinario sa Maasim, Saranggani Province ang iyang kontra nga si Gideon Buthelezi sa South Africa aron langkaton ang Internatio­nal Boxing Organizati­on world flyweight belt didto mismo sa East London, South Africa niadtong Hulyo 29.

Ang way pilde nga kababayan ni eight division world champion Manny Pacquiao ni-knockout sa South African pinaagi sa pagpatugpa sa iyang kusog nga kinumo gikan sa walang kamot sa first round.

Naningkamo­t nga makabarog si Buthelezi apan uwahi na kini sanglit nakumpleto na og ihap ang referee.

Gumikan niini, subli nga nakabaton og world champion ang Pilipinas human nabakante og dul-an tulo ka semana gumikan sa pagpapilde ni Mark Magsayo niadtong ikaduhang semana sa Hulyo.

Sa iyang kalipay, wa kapugong si Apolinario ug nihilak nga nihigda sa canvass isip pagselebra­r sa kadaugan sa tibuok nasod.

Niduyog kaniya si team manager Jean Claude Manangquil, assistant Ramon Falgui ug ang head trainer Ronerex Dalut.

Ang 23 anyos nga nag-inusarang world champion sa Pilipinas nagkanayon nga target sa ilang team ang impresibon­g kadaugan.

“I need to knock him out in

order to surely win,” matod ni Apolinario nga unang nigawas sa Philboxing.com.

Si Mike Kinaadman sa Iligan City niretiro sa pagpamoksi­ng human siya gipilde ni Apolinario sa 4th round sa Sanman Gym sa General Santos City niadtong Pebrero 5, 2022.

Ang southpaw o walhon nga boksingero wala pay pilde sa iyang 17 ka away isip profession­al boxer, diin 12 niini iyang gidaog pinaagi sa knockout.

 ?? / SANMAN BOXING ?? ■ WORLD CHAMP: Si IBO world flyweight champ Dave Apolinario mapasigarb­uhong mipakita sa iyang bakus human palukapaha si Gideon Buthelezi aron ilugon ang bakus niini. Si Apolinario mao ang bugtong world boxing champion sa Pilipinas sa pagkakaron.
/ SANMAN BOXING ■ WORLD CHAMP: Si IBO world flyweight champ Dave Apolinario mapasigarb­uhong mipakita sa iyang bakus human palukapaha si Gideon Buthelezi aron ilugon ang bakus niini. Si Apolinario mao ang bugtong world boxing champion sa Pilipinas sa pagkakaron.

Newspapers in Cebuano

Newspapers from Philippines