Cebu City midawat sa P50M

Gidawat sa Cebu City Government ang unang annual guaranteed payment nga balor og P50 million gikan sa Carbon Public Market modernization project sa Dominggo, Hulyo 31, 2022.

Si Mayor Michael Rama ug mga opisyal sa Megawide Construction Corp. (MCC) ninglagda sa supplemental memorandum of agreement (MOA) alang sa joint-venture agreement ( JVA) sa naasoy nga proyekto.

Ang tseke gidawat sa City Treasurer’s Office ug ideposito sa general funds sa siyudad.

Si City Treasurer Ivy Fernandez nagkanayon nga ang maong kantidad dako og ikatabang sa pinansiyal sa dakbayan tungod sa garantiya nga madawat kini matag tuig.

Sa wala pa ang programa, si Rama uban sa kadagkoan sa MCC nilibot sa Carbon Public Market ug City Hall.

Ang mayor nipadayag sa iyang kalipay nga nakakita sa tanang vendors gikan sa karaang merkado namalhin na sa interim market.

Matod ni Rama, ang proyekto tungod sa kwarta apan bahin sa pagkomportable sa mga mamaligyaay ug mga kustomer ubos sa modernong merkado sa dakbayan.

Si Cebu2World Development Inc. (C2W) Lydwena Eco nagkanayon nga ang supplemental MOA mopalambo sa kasamtangang mga probisyon sa JVA, lakip sa pagpatubo sa total capital expenditure sa C2W sa proyekto gikan sa P5.5 billion ngadto sa P8 billion nga nagkonsiderar sa dugang lokasyon ug trabaho nga gipangayo sa dakbayan.