Tanang PBA players puwedeng gamiton sa Gilas

Puwedeng huwaman sa Gilas Pilipinas ang tanang mga magduduwa sa Philippine Basketball Association (PBA) alang sa 2023 FIBA World Cup diin co-host ang Pilipinas kauban ang Japan ug Indonesia. Mao kini ang gipasalig ni PBA Commissioner Willie Marcial, kinsa mibutyag nga mao kini ang rason nga nakadesisyon silang duha ra ka mga komperensya ang ilang ipahigayon sa sunod season imbes tulo.

Nagkanayon si Marcial nga gisultihan na niyang daan si national team coach Chot Reyes nga puwede kining mopili bisan kinsa nga magduduwa.

“So, nag-two conferences na tayo. Tinaggal na natin ang isang conference,” asoy ni Marcial sa interbyu sa Power and Play sports program.

Hinuon giklaro ni Marcial nga alang lang kini sa mismong main draw na gyud sa kompetisyon.