Banchero gikuha sa Jordan Brand
Paingon nang ma-finalize ang endorsement deal ni Orlando Magic No. 1 rookie Paolo Banchero sa Jordan Brand, taho sa The Athletics.
Wala pa hinuon nigawas bisan gamay nga detalye kabahin sa kontrata apan labing seguro, mahilakip si Banchero sa National Basketball Association (NBA) stars nga nag-endorso sa Jordan Brand.
Apil ning maong grupo mao sila si Chris Paul, Luka Doncic, Jayson Tatum, Bam Adebayo, Zion Williamson, Bradley Beal, Russell Westbrook ug Carmelo Anthony.
Si Banchero usa sa rookie sa umaabot nga season sa NBA nga gituohang makaabot sa superstar nga estado.