‘Namaligya’ og sex video na-entrap sa NBI-7

Nasikop sa National Bureau of Investigation (NBI) Central Visayas ang 19-anyos nga lalaki nga giingong namaligya og malaw-ay nga mga hulagway, ingon man sex videos, agi sa social media.

Ang batan-ong suspek giila nga si Romilo Romero, kinsa nasikop sa entrapment operation sa nagkadaiyang mga ahensya sa kagamhanan sa Biyernes, Hulyo 29, 2022.

Atol sa operasyon, gihimo usab ang rescue operation ug pag serve sa warrant batok kang Romero sa mga sakop sa

National Bureau of Investigation Anti-Human Trafficking Division (NBI-AHTRAD), NBI CEVRO, Department of Justice Inter-agency Council Against Trafficking (DOJ-IACAT) gikan sa Manila, DOJ IACAT-7, ug Department of Social Welfare and Development (DSWD).

Subay sa imbestigasyon, si Romero gikatahong namaligya sa kaugalingong sex videos lakip na ang videos sa ubang mga tawo nga naglambigit sa mga menor de edad.

Giingong ipaagi sa suspek ang pagpamaligya sa videos sa Facebook, Twitter, ug uban pang social media sites.

“The Twitter account @MarkjasonCj with Twitter name “Sex Room Boy 16K” that allegedly offers male-to-male sex videos, which may be accessed through a paid “channel” or a subscription-based portal for at least P200,”saysay sa NBI-7.

Pipila usab sa videos nga gipost sa maong account naglambigit sa duha ngadto sa tulo ka mga lalaki nga nalakip sa sexual nga buhat.

Gituohang mo-offer usab si Romero og meet up sa nagkadaiyang mga kliyente sa Sugbo.

Atol sa operasyon, dunay kasabot ang suspek kauban ang usa ka menor de edad.

Ang agent sa NBI nakig-transact sa suspek ug nitugot kini nga makigkita sa usa ka establisimento sa Barangay Mambaling, Dakbayan sa Sugbo.

Giingong ni-offer si Romero sa usa ka 18-anyos nga gialyas sa ngan nga PJ nga maoy mohatag sa lawasnong kalipay niini.

“Romero offered PJ (dili tinuod nga ngalan) to the undercover agent for the price of P2,500 who, in exchange, would perform all around, including “sex”, “blowjob”, and “sodomy”,” saysay sa resulta sa imbestigasyon sa NBI.

Subay sa pinanumpaang pamahayag ni alyas PJ, gisaysay niini nga dugay na kining gigamit ni Romero alang sa pag-produce ug pagbaligya og mga pornographic materials sukad sa Disyembre 2021.