USA KA ‘BARANGAY’ MIHUGPA SA KASAL; BRIDE GIKULBAAN
Viral sa TikTok ang short video clip sa usa ka kinasal sa Davao City sa dihang nakuhaan og video kansang panagway di masabot tungod sa iyang gibati nga kakulba sa dihang gisugdan ang reception sa ilang kasal.
Ang maong okasyon nahitabo niadtong Hulyo 23, 2022.
Rason kon nganong nabalaka ang bride tungod kay wa damha nga molapas sa gidaghanon sa guest ang ningtunga sa ilang reception.
Ang maong video clip nga gi-post sa TikTok niabot sa 5 million views, taho sa PEP Kuwentong Kakaiba.
USA KA BARANGAY
Ang wedding and events organizer nga si Vonric Layese maoy nikuha sa maong video ug nakuhaan ang reaksiyon sa bride sa iyang pagkakita sa mga tawo nga ningdagsa sa reception. “Akala mo 100pax lang ang dadalo? Pero? Buong barangay ang pumunta,” caption sa video nga gi-share sa TikTok. Ilabi na nga nakita nga lawom og gininhawa ang mga kinasal nga nakasaksi sa pagabot-abot sa daghang mga tawo nga mitambong sa reception.
GIPANGULBAAN
Nisamot ang kulba sa kinasal sa dihang giusab ang orihinal nga plano sa programa.
“Yes, kinabahan ang bride. At first kasi, sobrang dami ng guests. Na-change ang original plan. Dapat program first bago magpakain ng mga bisita.
“Dahil request ng parents na dapat kumain muna bago ang program, hindi naiwasang nerbiyusin ng bride.
“Sa video na nakita, first dance nila yun. At the same time, pumipila na ang mga bisita sa food. Hindi maiwasang magsiksikan,” tug-an ni Vonric sa PEP.ph (Philippine Entertainment Portal) niadtong Hulyo 27, 2022.
DAGHANG INVITED
Giklaro ni Vonric nga ubayubay og giimbitar ang matag pamilya sa kinasal ug dili sab kabintahaan tungod kay ubay-ubay ang pagkaon nga giandam.
Apan ang sa mga mitambong gamay ray nailhan ang mga kinasal, kay sagad sa midagsa wa na sila nakaila.
“More or less 100 guests lang ang kilala ng couple. The rest, taga-barangay na po,” saysay ni Vonric.
Apan bisan pa man nagmalampuson ang okasyon tungod kay ang tanan naka-kaon ug napaigo ang giandam nga pagkaon.
“Invited ang buong barangay, maraming handa man din ang na-prepare. Kaya nakakain lahat. At ang iba ay may nabaon pa,” panapos sa maong videographer./