Seminarista o officemate?

Dear Noy Kulas,

Tawaga lang ko sa ngalan nga Malou, dalaga pa at 32. Wa kaayo ko mag serious sa akong past relationships kay nagpaeskwela ko sa akong duha ka mga manghod.

Karon nga naka graduate na silang tanan ug duna nay trabaho, naka decide ko nga ako na pud nga happiness ang akong pangitaon.

Naay nag court nako nga akong friend kaniadto but nisulod og seminaryo. Mga five years na ming friends ug nagkuyog sa mga laag.

Na-shock lang ko nga karon nga naa na siya sa sulod sa seminaryo, karon pa siya nisulti sa iyang feeling diri nako.

Ako siyang gisultihan nga like him but naa na man siya sa seminary, di na pwede nga magkakami.

But niingon siya nga pwede ra kaayo kay seminarista pa man siya. Naa gani kuno mga pari nga nakauyab.

Naa pud koy officemate nga 36 years old nga nag court sa akoa. Ulitawo pa gihapon siya but boring ikakuyog. Serious ra kaayo ug boring ikaestorya.

Mao ni akong na-confuse kon asa nilang duha, ang seminarista o ang akong officemate? Makatambag ka nako? Daghang salamat.

MALOU

Malou, I Bisan asa nilang duha, puro na sila qualified kaayo. But duna say mga estorya nga di maayo makigminyo o mag-uyab og seminarista tungod kay dimalas kuno.

Bisan pipila ka mga pari maoy estorya. Ambot tinuod ba o duna bay scientific data nga mag back-up ana nga estorya.

Bitaw, makonsensiya ka kon ikaw ang himuon nga rason sa seminarista sa iyang paggawas, di kanang iyang desisyon nga mobiya because he found out nga lahi ang iyang calling. Di gyud na malikayan nga huna-huna.

Kon boring ikauban ang imong officemate, ayaw lang pud pugsa ang imong kaugalingon.

At 32, medyo hayag ka pang makakita og partner. You don’t have to choose nilang duha.

NOY KULAS