Backup center gikinahanglan
Dili ikalimod nga nakahulma na og lig-ong puwersa ang Philadelphia 76ers alang sa ilang kampanya sa sunod season sa National Basketball Association (NBA) pinangulohan sa ilang duha ka All-Stars nga sila si James Harden ug Joel Embiid.
Apan kon ang Bleacher Report ang pangutan-on, nagkinahanglan pa og kasaligang backup center ang 76ers nga makatabang kang Embiid aron makalahutay og insakto.
Kon mosunod ang 76ers sa panahom sa BR, aduna sila’y ubay-ubay nga kapilian sa free agency sama nila ni Hassan Whiteside, DeMarcus Cousins, ug LaMarcus Aldridge.