Garcia: Way lockdown

Walay ipatuman nga lockdown ang Probinsya sa Sugbo taliwa sa hulga sa Monkeypox sa nasud.

Kini maoy giklaro ni Cebu Governor Gwendolyn Garcia atol sa pagsugod sa month long celebration sa ika-453 nga kasumaran sa pagkalalawigan sa Sugbo.

“Diseases are here to stay. The challenge is to boost our immune system, to ensure that we protect ourselves. But never again should there ever be a lockdown,” matod ni Garcia sa Agusto 1, 2022.

Sa unang adlaw sa Agusto, gisaulog sa Probinsya ang pagbalik sa normal nga paagi sa kasaulogan sa founding anniversary.

Gipangulohan kini sa gobernador kauban si Bise Gobernador Hilario Davide III, sakop sa Provincial Board ug kadagkoan sa mga lokalidad sa probinsya atol sa simultaneous flag raising ceremony.

“It has been three years and it is with much joy, much gratitude that we now again celebrate the founding anniversary of the Province of Cebu as normal people,” matod ni Garcia.

Subay sa tinguha nga pagbalik sa normal nga kinabuhi, gipahinumdoman ni Garcia ang kadagkoan sa mga nakat-onan niini sa moabot tulo ka tuig nga pag-atubang sa pandemiya.