WA MAGHAWOK SUD SA 2 KA TUIG
Dakong parte sa romantikong relasyon ang paghawok sa usag-usa apan usa ka manag-uyab ang wa nisunod sa maong ritwal bisan pa sa ilang duha ka tuig nga panag-uyab.
Matod ni Kaytlin O’Neall nga siya ug iyang uyab wa naghawok bisan ka usa sa ilang relasyon ug daghang mga tawo ang nahimong judgemental niini.
Tungod sa ilang gihimo, daghang mga tawo ang nipaambit sa ilang mga komento sama sa mga duda nga mahuyang iyang uyab, o managhigala lang sila, o basin ba kaha “friends with benefits” lang ilang set-up.
Giesplikar niya nga ang ilang desisyon nga buot una nilang maghuwat hangtod sa kaminyuon usa maghawok.
Sa wa pa si O’Neall nisud og relasyon, daan na siya nidesisyon nga maghuwat una siya sa kaminyuon usa makighilawas tungod sa relihiyon apan wa pa siyay seguro sa laing aspeto sa relasyon.
“I ultimately landed on I don’t want to kiss because I wanted to save that for my future husband. I looked at kissing, and I have always viewed it as a very intimate thing, and for me, I felt it wasn’t something I have to save but wanted to,” sigun niya.
Nagkasinabot silang duha nga di mahimong “physical mutual” sa usa’g usa.
Nasuta nga sa wa pa sila mag-uyab, nag-istorya una sila sa ilang mga gituohan kalabot sa romantikong relasyon ug nagkasabot sila nga maghuwat hangtod sa kaminyuon usa maghawok.
Gitubag sab ni O’Neal ang mga patutsada sa mga netizens nga sila managhigala lang.
“We were best friends and then we fell in love. Everything that we do is to protect and to look forward to more in the future,” ni O’Neal.
Gipanalipdan sab siya sa iyang uyab nga si Drew kinsa nagkanayon nga “mutual decision” ang ilang gihimo.