SHOWBIZ ABROAD
BLACKPINK ALBUM, WORLD TOUR
Excited na ang BLINKs, o kining mga fans sa South Korean girl group BLACKPINK tungod sa teaser nga gi-release sa grupo kabahin sa mga umaabot nga aktibidad sa K-pop group.
Gawas sa pre-release single nga i-release sa grupo karong buwan sa Agusto, gikatakda na usab nga i-release ang album sa grupo sunod buwan o sa Septiyembre.
Sa “Born Pink” trailer announcement sa grupo sa social media, sa Oktubre na usab ang pagsugod sa ilahang world tour.
FIRST K-POP ARTIST
Padayon nga mihimo og kasaysayan ang BTS member nga si J-Hope human siya mao ang labing una nga Korean artist nga headliner sa Lollapalooza music festival.
Si J-Hope mi-perform sa event niadtong July 21 diin 18 ka kanta ang iyahang gi-perform, naglakip ang mga kanta sa iyang unang album nga Jack in the Box, ug unang mixtape nga Hope World.
“Today is a meaningful moment for me. This is just part of the process of an album that started with greed and ambition reaching a grand finale. Through this album, all my scheduled activities benefited me, and I gained certainty once again while partaking in Lollapalooza and seeing everyone,” matod sa singer.
‘RUN BTS!’ SHOW COMEBACK
Human sa 10-buwan nga break, nibalik na ang BTS’ show nga “Run BTS!.”
Gipaabot nga karong sa ARMYs ang special episode sa maong show ug gianunsiyo kini sa Youtube channel sa grupo nga BANGTANTV.
“We did some recharging and brought more fun back with us. We hope you’ll look forward to it. On Tuesday, August 16th, you’ll be able to watch it on Weverse, VLIVE, and YouTube.”