■ OUTREACH PROGRAM:

Ang grupo ni Feliculo “GSMES Double Delta” Lecciones, Jr. nibalik sa pagserbisyo sa katawhan ug komunidad pinaagi sa ilang outreach program. Niadtong Mayo ning tuiga, nipahigayon og free blood sugar ug blood pressure check-up sa Sitio Dapdap, Catarman, lungsod sa Liloan, Cebu. Samtang niadtong Hulyo 31, gipahigayon sa Sitio Aroma, Subangdaku, Mandaue City. Lakip sa ilang serbisyo mao ang libreng tupi alang sa kabataan ug hamtong, lalaki o babaye. Nihatag usab sila og pagkaon ug espisyal nga pospas alang sa tanan. Dunay parlor games nga may ganting pagkaon ug salapi. Nanghatag usab og bugas atol sa maong proyekto. Ang Syntrofia gilangkuban sa naglainlaing sektor gikan sa dakbayan sa LapuLapu, Mandaue, ug Danao, lungsod sa Consolacion, Liloan, Compostela, Tuburan ug didto sa Mindanao.