Labing maayong players gipili ni Chot
Gipadayag na ni national coach Chot Reyes ang iyang plano kabahin sa pagpangandam sa Gilas Pilipinas alang sa sagubangon niining dagkong mga tahas sa umaabot.
Atol sa board meeting sa Samahang Basketbol ng Pilipinas (SBP) niadtong Lunes, Agusto 1, 2022, nagkanayon si Reyes nga nagpili na siya og labing maayong mga magduduwa sa Philippine Basketball Association (PBA), UAAP, NCAA, ug uban pa nga professional leagues sa gawas sa nasod.
Ning maong grupo kuhaon ni Reyes ang mga magduduwa nga molangkob sa Gilas Pilipinas alang sa FIBA World Cup Asian qualifiers, Southeast Asian Games, ug 2023 FIBA World Cup diin co-host ang Pilipinas kauban ang Japan ug Indonesia.