Hodge napiling PBA POW awardee

Napahalipayan si Cliff Hodge sa grabe niyang paningkamot aron matabangan ang Meralco Bolts sa pagsulod sa semi-finals best-of-seven series sa 2022 Philippine Basketball Association (PBA) Philippine Cup.

Si Hodge maoy napili nga labing ulahi nga Cignal Play-PBA Press Corps Player of the Week awardee gumikan sa maayo niyang gipakita sa miaging semana.

Niadtong Dominggo, Hulyo 31, 2022, si Hodge mikayod og insakto sa tanang mga departamento ug nipugnit kini og 13 puntos ug 18 ka rebounds aron tabangan ang Bolts sa pagtaktak sa ilang higpit nga karibal nga mao ang Brgy. Ginebra San Miguel Gin Kings, 106104, sa ilang deciding Game 3 quarter-finals series.

Tungod sa depensa ni Hodge, natawagan og offensive foul si Ginebra guard Scottie Thompson sa himatyong mga segundos.

Sa duha ka mga duwa sa Bolts sa miaging semana, si Hodge nag-average og 19 mga puntos, ug 10 rebounds.