Vendors off limits na sa Virgin Island
Sugod kagahapon, Agusto 3, 2022, ang Virgin Island (Balut Island) sa Panglao, Bohol dili na modawat sa food vendors ug uban pang mga kalihukang turismo.
Ang Municipal Tourism Council sa Lungsod sa Panglao nagpahibawo niini nga desisyon sa usa ka pahayag nga gi-isyu sa chairman niini nga si Leucodio Trotin kaniadtong Agusto 2, 2022.
Matud pa nga ang desisyon sa pagpasira sa isla sa mga mamaligyaay og pagkaon ug uban pang kalihokan sa turismo nakab-ot human sa imbestigasyon nga gihimo ni Mayor Edgardo “Boy” Arcay sa giingong overpricing sa seafood sa pipila ka mga vendor.
Ang isyu sa overpricing nakamugna og buzz online human ang usa ka babaye nag-post sa iyang Facebook account niadtong Agusto 1, 2022 nga ang grupo sa iyang higala nga 13 ka tawo ningbayad sa kinatibuk-og P26,100 alang sa seafood ug mga ilimnon nga ilang gi-order.
Ang mga pagkaon ug ilimnon nga gi-order sa grupo naglakip sa Abalone nga nagkantidad og P2,500, tinolang isda (P1,800), kinilaw’ng isda (P3,000), sinugba’ng isda (P2,500), scallops (P3,000), oyster (P3,000), nukos (P2,500), lato (P800), baby squid (P1,500), sea urchin (P2,300), saging (P900), softdrinks (P1,300), ug beer ( P1,000).
“This council recommends to the mayor during their emergency meeting (August 2) for the immediate closure of Virgin Island for food vendors and for other tourism activities effective tomorrow, August 3, 2022,” matod sa Municipal Tourism Council sa usa ka pamahayag sa Martes, Agusto 2.
Ang mga operasyon sa Island hopping, bisan pa, magpadayon basta “such activity shall be limited only for sightseeing,” kini nidugang.
Aron matabangan ang mga bakwit nga vendors, girekomendar sa konseho ang pagpahigayon og “food street or night market” sa Panglao Plaza diin mahimong makabaligya ang mga vendor sa ilang mga produkto.
“To be fair and just for the affected vendors as well, they shall be able to continuously sell out whatever perishable stock on hand,” matod niini.