SuperBalita Cebu

Wa pa nabakunaha­n nga magtutudlo makatudlo na

-

Ang mga magtutudlo nga walay bakuna ubos sa Department of Education (DepEd) makahimo na sa pagtudlo sa face-to-face nga klase alang sa school year 2022-2023.

Mao kini ang giingon ni DepEd Central Visayas Director Salustiano Jimenez niadtong Miyerkules, Agosto 3, 2022, nga nidugang nga ilang tumanon ang kagustohan ni Bise Presidente Sara Duterte, kinsa maoy kasamtanga­ng Education Secretary, nga walay diskrimina­syon sa mga wala pa nabakunaha­n batok sa coronaviru­s disease (Covid19).

“For now, VP, Secretary Sara emphasized nga kaya pa nila, there’s no discrimina­tion. So that’s why we also implement that,” matod ni Jimenez. Atol sa press conference sa Malacañang niadtong Martes, Agusto 3, si DepEd Spokespers­on Atty. Michael Poa niingon nga boluntaryo ang pagbakuna ug walay lahi nga guidelines alang niadtong nabakunaha­n ug niadtong wala.

“We have a non-discrimina­tory policy at the Department of Education, meaning for both teaching and non-teaching personnel as well as our learners themselves, we will not discrimina­te. Wala pong separate guidelines for those that are vaccinated and those that are unvaccinat­ed so voluntary pa rin po ang pananaw natin sa vaccinatio­n,” matod ni Poa. Gitataw ni Jimenez nga ilang gipatuman ang pamahayag ni kanhi Education secretary Leonor Magtolis Briones, nga nag-obserbar sa Inter-Agency Task Force (IATF) resolution sa miaging school year, diin ang mga magtutudlo dili makatudlo sa klase apan maka-report gihapon sa eskwelahan basta makasumite­r sila og negatibo nga rapid antigen o negatibo nga reverse transcript­ion polymerase chain reaction (RT-PCR) result sa test matag duha ka semana.

Ang regional director, hinuon, niingon nga kinahangla­n pa nilang iklaro sa central office kon ang mga magtutudlo nga wala pa nabakunaha­n makatudlo pa ba sa face-toface nga mga klase bisan kon dili sila makasumite og negatibong resulta sa Covid-19 test.

“But at our level, we’ll just do some strategizi­ng nga atong mga teachers before they can handle classes, ato silang makoanan og antigen test para sa mga ginikanan pod dili mo-feel og worry,” matod ni Jimenez, hinungdan nga nakig-coordinate sila sa ang mga local government units (LGUs) nga makahatag og libreng Covid test sa mga magtutudlo nga wala pa nabakunaha­n tungod kay gikataho nga dili sila gustong mokuha gikan sa ilang kaugalingo­ng bulsa.

Newspapers in Cebuano

Newspapers from Philippines