Laagan nga asawa

Dear Noy Kulas,

Grabe ang akong pag-antos sukad pa sa una aning akong asawa karon. Bisan sa uyab pa mi, ing ani na ni siya. Ako diay si Demar, minyo, taga Cebu ra ko.

Sa uyab pa mi, ganahan na kaayo ning akong asawa og mga laag ug stay og lugar nga nindot. Iyang family maayo man sab pagkabutang. Nagtuo ko nga mausab na siya kon magminyo mi ug duna nay mga anak but nasayop ko kay wa gyud. Mao lang gihapon iyang batasan bisan nakaanak na mi og duha. Kuyog sa iyang mga barkada manglaag og gawas sa Cebu.

Wa hinuon ni siya magpangayo nako kay iyaha mang money ang gigasto pero tungod sa iyang batasan, wa mi saving. Ingon pa niya when kuno mi mag enjoy sa amoang life, kana kon di na mi makahimo og laag? Unya bisan night life, naa siya gihapon. Pwede ba diay na? Baliktad mi, naa ra ko pirme sa balay while siya naglaag kuyog sa mga barkada.

Naa kay solution ani, Noy Kulas? Di na lang ko moreklamo sa iyaha kay magkaaway na man lang mi. Unsa kahay angay nakong buhaton? Daghang salamat sa tambag.

DEMAR

Demar,

Maestoryahan man gud nang ing ana nga butang. Kana bang mangita mo og middle ground parte anang iyang kalaagan. Pananglitan, kanang weekend, Friday or Saturday magsabot mong manglaag. Unya ang Sundays pud ninyo inyong ilaag kauban ang inyong mga anak. Unya mag schedule mog monthly o kada duha ka buwan nga out of town nga mga laag. Kana tingali mas epektibo na nga pamaagi kay sa modiretso ka og close sa door nga magdili niya anang iyang laag or awayan ninyong duha nang butanga.

Ila-ilaha sab nang iyang friends pinaagi sa pagkuyog sa ilang mga lakaw. Kondisyoni sab siya nga kon molaag siya og weekdays, kanang ka usa lang.

About sa savings, ikaw ang mag-una og save ug pakit-a siya nga nindot diay nang dunay savings kay sa wa. Anam-anam og convince lang siya kay sa ngadto ngadto maka appreciate na siya.

Unya, patabang sa imong in-laws sa pagtambag niya anang imong problema sa iyang kalaagan.

NOY KULAS rojval69@yahoo.com