Habig sa mga Marcos gipakita sa ‘Maid In Malacañang’
Kagahapon, Agusto 3 ang unang adlaw sa pagpagawas sa mga sinehan sa nasud ang gihulagway nga 2022’s most intriguing nga pelikula nga nakapukaw sa mga nakuryuso kabahin sa kinabuhi sa banayng Marcos nga nahimong kabahin sa kasaysayan sa nasud.
Gi-produced sa VIVA Films nga ubos sa direksiyon ni direktor Darryl Yap.
Ang ‘Maid In Malacañang’ usa ka comedy nga pelikula nga nagpakita sa katapusang 72 ka oras sa mga Marcoses sud sa Malacañang Palace sa wa pa palayasa paingon sa Hawaii, atol niadtong 1986 People Power Revolution.
Ang istorya gibase sa saysay sa ‘reliable source’ nga mihatag sa mga detalye.
Sila si Cesar Montano – Ferdinand Marcos Sr., Ruffa Gutierrez – Imelda Marcos, Cristine Reyes – Imee, Diego Loyzaga – Ferdinand ‘Bongbong,’ ug Ella Cruz - Irene,
Samtang ang mga katabang gidala nila ni Karla Estrada - Yaya Santa, Elizabeth Oropesa - Manang Lucy, ug Beverly Salviejo - Biday.