PBA PH Cup champions mosulong sa Korea
Mosulong sa Korea ang mahimong kampyon sa kasamtangang nagpadayon nga 2022 Philippine Basketball Association (PBA) Philippine Cup aron makigharong sa Korean Basketball League (KBL) runners-up Anyang KGC inig sugod sa bag-ong liga nga East Asia Super League (EASL) karong Oktubre 12, 2022.
Ang Anyang KGC pangulohan sa sakop sa Korea national team nga si Byeon Jun Hyung ug posible sa Pinoy nga si Rhenz Abando, maoy napili nga Rookie of the Year ug MVP sa miaging NCAA season.
Si Abando nipirma og kontrata sa Anyang KGC ning baguhay lang.
Sa laing duwa sa unang adlaw sa EASL, ang Bay Area Dragons sa Hongkong moasdang sa Pilipinas aron sangkaon ang mahimong runners-up sa Philippine Cup.
Sa kasamtangan, ang Philippine Cup nagpatong na sa semi-finals diin nagparang ang San Miguel Beermen batok Meralco Bolts ug Magnolia Chicken Timplados batok TNT Tropang Giga. Ang EASL usa ka torneyo nga gisalmutan sa top two teams sa dagkong mga torneyo sa nagkalainlaing mga nasod sa Asya.