SuperBalita Cebu

11 ka balay sa Duljo nasunog

- BENJIE B. TALISIC / Reporter

Moabot sa 11 ka mga panimalay ang nangaugdaw sa sunog sa dan B. Aranas, Sityo Santo Nińo Laguna, Barangay Duljo Fatima, siyudad sa Sugbo kagahapon sa hapon, Agusto 4,2022.

Si FO2 Fullbert Navarro sa Cebu City Fire Office nibutyag nga nadawat nila ang alarma sa alas 4:08 sa hapon ug gisaka sa unang alarma sa alas 4:12 samtang nakontrola­r ang kayo sa alas 4:40. Human sa siyam ka minuto nga milabay, gideklarar nga napawong na ang kalayo.

Matod ni Navarro, pito ka mga balay ang hingpit nga naugdaw samtang ang upat igo lang nakan-an sa kayo.

Nahimutang sa sudlunon nga bahin sa nahisgutan­g sityo ug gikataho nga nagsugod ang sunog sa balay sa usa ka Artemio Satoquia, sumala ni Navarro.

Dugang niya nga posibleng tungod sa kuryente ang hinungdan sa sunog apan gipaubos pa sa dugang imbestigas­yon sa Cebu City Fire Office (CCFO).

Moabot sa P300,000 ang danyos sa maong sunog, usa ang angol nga fire volunteer nga nailhan nga si Ryan Trazona nga fire volunteer sa Barangay Basak San Nicolas human nakatagam-tam sa paglisod sa pagginhawa tungod sa kabaga sa aso.

Newspapers in Cebuano

Newspapers from Philippines