Misconduct

Dear Papa Joe,

Palihug tambagi ko. Ako si Tess. Akong bana usa ka seafarer, inter island lang. Karon, niabot ang time nga nakalalis siya og pasahero kay garaon kuno. Abi niya og wala lang pero ang nahitabo nisumbong sa tag-iya sa barko kay anak daw sa amigo sa tag-iya.

Karon gi memohan akong bana og misconduct ug gi hold ang sweldo. Gusto sa akong bana nga moundang na lang pero di sila mosugot kay makasuhan nila akong bana pero unsaon man na, usa ka buwan sweldo wa may hatag. Palihug tambagi mi unsay buhaton.

TESS

Tess,

Di maayo moundang imong bana kon wa pa nahuman ang imbistigasyon sa iyang misconduct kay nagpamatuod lang na nga naa siyay attitude problem. Importante nga naa siyay memo kay kon wa, ma technical ang kompaniya ana, kon ugaling di gyud sila mosweldo nya padayon ang trabaho.

Pwede kaayo siya moduol sa DOLE. Kini ako minagbaw lang ni kay naa man sad koy admin background. Usahay, di maayo pagpasabot sa mga bana sa asawa labi na di kompleto ang detalye. Natural mag lagot mo. Again, naa may taga Labor, maminaw kon naay reklamo.

PAPA JOE

(sa inyong tampo ipadala lang sa papajoesuperb@gmail.com)