MIKAWAT SA IRO MABILANGGO
Nahukman sa korte sa California nga mabilanggo sud sa upat ka tuig ang usa sa tulo ka suspek nga mikawat sa binuhi nga iro ni Lady Gaga nga French bulldog nga breed.
Si Jaylin Keyshawn White nga sakop sa gang nga mipusil sa tigbantay sa iro sa singer niadtong Pebrero 2021 ang gisentinsiyahan nga mapriso sud sa upat ka tuig. Report sa Agence FrancePresse,
si White, 20 ni-plead guilty sa kasong second-degree robbery.
Sa sayo pa, ang ‘Poker Face’ singer nitanyag og $500,000 nga reward sa tuyo nga mabalik ang iyang mga binuhi.
CHRISSY TEIGEN MABDOS
Ang American singer John Legend ug model Chrissy Teigen gipaabot nga makabaton og anak sa dihang nagsabak si Chrissy.
Sa sayo pa, si Chrissy nakuhaan sa iyang gisabak tungod sa pregnancy complications, taho sa ABS-CBN.
“The last few years have been a blur of emotions to say the least, but joy has filled our home and hearts again. 1 billion shots later (in the leg lately, as u can see!) we have another on the way. “Every appointment I’ve said to myself, ‘OK if it’s healthy today I’ll announce’ but then I breathe a sigh of relief to hear a heartbeat and decide I’m just too nervous still,” pulong pa ni Chrissy.
Sa labing uwahi nga post ni Chrissy iyang gipakita ang iyang busyad nga tiyan nga adunay lima ka heart emojis nga react ni John.