KADAUGAN SA MACTAN HIMOAG PELIKULA SA HOLLYWOOD FILMMAKERS
Ang US-based Filipino producer Francis B. Lara Ho ug FilipinoAmerican actor-director Michael Copon ang mohimo sa pelikulang ‘1521’, ang tuig diin nangabot ang tropa ni Ferdinand Magellan sa isla sa Mactan.
Apan ang pelikula magtuyok sa love story taliwala sa makasaysayanong panagsangka tali sa tribu ni Datu Lapu-Lapu batok sa mga lan yawng mananakop.
Atol sa gipahigayong press conference niadtong Huwebes, Agusto 4 sa national ug local media via Zoom, gipahibawo ni Copon ang mga aktor nga molangkob sa ‘1521’ nga naglakip sa American actor nga si Danny Trejo - Magellan, Bea Alonzo – Didi/Diwata, Puerto Rican actor Hector David Jr. - Enrique, ug award-winning actress Maricel Laxa-Pangilinan.
LOVE STORY
Ang istorya sa ‘1521’ mahitungod sa karakter ni Didi or Diwata
nga nagdamgo nga mabalik sa karaang panahon sa Pilipinas sa dihang nagsuroysuroy sa guba nga kabilin sa Spanish fort.
Sa damgo ni Didi, usa siya ka
native princess nga nahigugma ngadto sa translator ni Magellan nga si Enrique diin ang ilang gugma namugna tunga-tunga sa giyera. Samtang si Copon nga maoy
direktor ug nidala sa papel ni Lapu-Lapu, nagkanayon nga ang maong pelikula mibuhi og balik sa kasaysayan ug kultura sa mga Pinoy.
“People don’t know what happened to Magellan. Some people in America think he just died. And a lot of times, the history of the Philippines gets pushed under the rug, unnoticed, which led to the passion that we wanted to embrace those stories and embrace the culture, and say ‘Hey! Let me get this out there,’” matod pa ni Copon.
DILI SA MACTAN
Apan ang film setting ipahigayon sa Palawan ug dili sa Barangay Mactan, dakbayan sa Lapu-Lapu diin nahitabo ang actual nga kasaysayan.
“Sad to say that Palawan is one of the richest in terms of natural resources but our poverty level is very high compared to other provinces. That’s why I’m hoping that bringing projects here would change that,” pasabot ni Lara. Gikatakda nga ipagawas sa mga sinehan ang ‘1521’ sa Hunyo 12, 2023 dungan sa kasaulogan sa ika-125th Philippine Independence Day. / FVQ