Alang sa Gilas

Andam gihapong moduwa

Si Ateneo de Manila University center Ange Kouame nagpabilin nga gustong moduwa sa Gilas Pilipinas, nisaad nga magpabiling andam kon siya kinahanglanon sa national team sa umaabot.

Si Kouame, kasamtangang Most Valuable Player sa UAAP, niangkong siya nasagmuyo human sa pagkaangol sa iyang tuhod hinungdan nga wa siya nakaduwa og mga duha ka buwan. Siya na-diagnosed og meniscal sprain ug partial ACL tear sa Hunyo nga nagpugos kaniya nga di makaduwa sa FIBA World Cup Asian qualifiers ug FIBA Asia Cup.

“Super frustrated,” matod ni Kouame kalabot sa kapakyas sa pagduwa. “Honestly, it was super painful for me, just to sit and watch them play.”

“If I was there, maybe the result wasn’t gonna change, it wasn’t gonna be like a big difference. But I know like, deep down, me being able to be with your brothers, going to battle, it’s something that’s really meaningful for me,” dugang niya.