IOKA, CHOCOLATITO TARGET NI DONAIRE

Si Nonito Donaire nag-target og dagkong mga away sa super flyweight batok kang Kazuto Ioka ug Roman ‘Chocolatito’ Gonzalez - sa di pa siya mobalik sa pagsaka sa bantamweight.

Ang kanhi four-weight world champion nitataw nga wa siya naghuna-huna sa pagretiro human sa makalilisang nga kapildehan niya batok kang Naoya Inoue sa Hunyo.

Inay, ang legendary nga si Donaire, kinsa mag 40 anyos na sa Nobiyembre, nagtinguha sa pagkanaug og timbang ngadto sa 115 pounds division aron paggukod sa makalaway nga away tali kang WBO champion Ioka ug sa ngilngig nga si Chocolatito.

Human niini, ang Filipino Flash nagplano sa pagbalik og saka ngadto sa bantamweight aron maangkon ang pagka undisputed champion sa division.

“It’s a really good fight with Chocolatito and people are saying it would be ‘legend versus legend,’” sulti ni Donaire sa Probellum.com.

“It’s a big fight. But I do like the Ioka fight as well because I want to get that title and become a five-division champion and then move back up to 118 and go for the undisputed crown once everything else is open and I get another opportunity for it.”

Nibutyag si Donaire nga kining mao nga plano sa pagkanaug sa super flyweight iyang nakab-ot mga oras sa wa pa ang ilang kombati ni Inoue.

“Before the fight with Inoue, Richard Schaefer and I talked about going down to 115,” matod ni Donaire.

“Making the weight was very simple for me and I made it quickly. I even made 117 before stepping on the scales.

“Richard and I were talking and saying that regardless of what happens here, maybe I can go down to 115 and fight the guys in that division.

“Richard is talking with Ioka’s people, with Mr Honda and he is talking to Chocolatito as well. It’s exciting, there are a lot of things to look forward to.”