Rivers wa nabalaka
Si Doc Rivers ingon sa wa kaayo nabalaka sa imbestigasyon sa National Basketball Association (NBA) sa giingong tampering sa Philadelphia 76ers.
Siya niingon nga ang mga alegasyon nga ang 76ers dunay sayo nga contact sa wa pa gipapirma sila si P.J. Tucker, Danuel House ug ni re-signed kang James Harden “di tinuod” tungod kay sila si Rivers ug team president of basketball operations Daryl Morey “way ideya” nga si Harden nigawas sa iyang kontrata sa wa pa nagsugod ang free agency.
Ang sentro sa mga alegasyon sa tampering nagagumikan sa hukom ni Harden nga mosulod og free agency inay iyang kuhaon ang $47 milyunes, nga maoy naghatag sa Philadelphia og lawak sa salary cap aron mapapirma sila si Tucker ug House.