SuperBalita Cebu

Jimuel Pacquiao midaug

-

Nahibalik sa naandan ang karera sa boxing ni Jimuel Pacquiao human niya pildeha si Dylan Merriken sa Montebello, California sa Biyernes (Manila time).

Ang 21 anyos nga Pacquiao nidaug sa tulo ka rounds nga amateur bout pinaagi sa shutout ug nipalambo sa iyang record ngadto sa 4-1.

Ang fight card gipresenta­r sa 360 Promotions ug gipahigayo­n sa Quiet Cannon Conference and Event Center, maoy nagtimaan sa paghibalik sa kinamaguwa­ng anak nga lalaki ni boxing legend Manny Pacquiao sa ring human sa iyang unang career loss niadtong Hunyo batok kang American Chris Smith.

Nihatag og dakong suporta kang Pacquiao mao ang presensya sa iyang inahan nga si Jinkee ug manghod nga sila si Mary Divine Grace ug Queen Elizabeth.

Si Pacquiao padayong nagbansay sa Wild Card gym samtang ang nagduma sa iyang corner mao si Filipino trainer Marvin Somodio. Naa usab sa ringside mao si MP Promotions president Sean Gibbons.

Newspapers in Cebuano

Newspapers from Philippines