SuperBalita Cebu

Lakers, LeBron nagtagbo

-

Sila si LeBron James ug Lakers dunay “productive” nga diskusyon kalabot sa ilang umaabot, matod ni Rich Paul, CEO sa Klutch Sports Group, sa ESPN.

Apan wa pay nakab-ot nga kasabutan, matod sa mga tinubdan.

Sila si James ug Paul nagtagbo uban kang Lakers vice president of basketball operations ug general manager Rob Pelinka ingon man sa bag-ong Lakers coach Darvin Ham sa war room sa practice facility sa Lakers sa El Segundo, California, sa Biyernes (RP time). Una kining adlaw nga si James eligible na sa pagpirma og bag-ong duha ka tuig nga kontrata nga $97.1 million contract extension tali sa Lakers.

Sulti ni Paul sa ESPN nga siya nagpaabot nga ang duha ka mga habig magpadayon sa panagestor­ya. Si James mosulod sa katapusan nga tuig sa iyang kontrata, nga balor og $44.5 million, ug mag-edad na siya og 38 anyos kon mapupos ang kasabutan.

Ang maximum nga tuig nga pirmahan sa 38 anyos nga player duha lang ka tuig, matod sa collective bargaining agreement sa NBA.

Newspapers in Cebuano

Newspapers from Philippines