2 ka wanted sa Bohol nasikop sa kapulisan

ka mga pinangita sa balaud ang napusasan atol sa pag serve sa warrants of arrrest nga giluwatan sa korte sa Sabado, Agusto 6, 2022 sa lalawigan sa Bohol.

Sa Barangay Poblacion, lungsod sa Cortes, pasado ala 1 sa Sabado sa kaadlawon, ang mga pulis sa lungsod sa Loboc, uban sa kapulisan sa lungsod sa Cortes ug Regional Intelligence Unit (RIU)7, ning-serve sa warrant of arrest batok usa ka hamtong nga lalaki nga nag-atubang og kasong acts of lasciviousness sa miaging tuig.

Samtang laing operasyon ang gilusad sa kapulisan sa lungsod sa Anda alas 10:30 Sabado sa buntag nga niresulta sa pagka sikop sa akusadong si Elmer Fernandez Deloy, 38, taga Purok 3, Barangay Casica, lungsod sa Anda.

Si Deloy nga nag-atubang og kasong attempted homicide nadakpan sa Purok 1, Barangay Suba sa nahisgutan nga lungsod.