Iring nakapugong sa paglungkab
Usa ka iring ang nakapugong sa pagpangawat sa balay sa iyang amo sa Mississippi sa Estados Unidos.
Sa dihang adunay duha ka mga lalaki nga ningsuway paglungkad ug sud sa balay ni Fred Everitt, gibuhat sa tanan ni Bandit, ang 9.1kilo nga iring, arong makabantay iyang amo, base sa taho gikan sa Northeast Mississippi Daily Journal.
“You hear of guard dogs. This is a guard cat,” ni Everitt, 68.
Nahitabo ang pagpanglungkab mga pasado alas dos sa kadlawon niadtong Hulyo 25.
Nakamata si Bandit sa kasaba sa kusina atol sa insidente.
Human niini, daling nidagan si Bandit sa kuwarto, nilayat sa kama ug gibitad ang comforter sa iyang amo.
“She had never done that before. I went, ‘What in the world
is wrong with you?,’” sigun niya. Pagnaog ug pagsusi ni Everitt, nakakita siyag duha ka mga lalaki luyo sa iyang pultahan diin ang usa niini adunay armas ug ang usa adunay crowbar aron sa pag-abli sa pultahan.
Human nikuha siya sa iyang armas ug pagbalik sa kusina, nawagtang na ang mga kawatan.
Iyang gisaysay sa mantalaan nga wa na siya manawag sa kapulisan.
Sigun niya nga kon wa pa si Bandit, posibleng lahi unta ang sitwasyon sa insidente.
“It did not turn into a confrontational situation, thank goodness. But I think it’s only because of the cat,” ni Everitt. Gisagop ni Everitt si Bandit gikan sa Tupelo-Lee Humane Society upat ka tuig na ang nilabay.