Gwen nagplano nga mohatag og anniv. bonus sa mga kawani

Subay sa pagsaulog sa ika453 nga kasumaran sa pagka lalawigan sa Sugbo, gilaraw ni Cebu Governor Gwendolyn Garcia nga mohatag og cash incentive sa mga empleyado sa Kapitolyo atol sa founding anniversary niini.

“I am asking budget to be clear if we can, I would wish to this time. I will not even announce the amount but what I would wish is to give our regulars, casuals and if we could also give some token for benefit of our job order employees. We know that sa situation sa mga job orders dili mahatagan but we are looking for a way because they’re working just as hard as our casuals sometimes even harder...But yes, we would wish to give them amount that is unexpected, unbudgeted so they can spend it with their family my only request is to spend it in Cebu,” matod ni Garcia sa mga tigbalita sa Agusto 5, 2022.

Niadtong Sabado, Agusto 6, nihalad og misa ang Kapitolyo sa alas 10:00 sa buntag kauban ang mga empleyado niini.

Duna usa’y paniudto nga giandam ang kagamhanan alang sa matag opisina ug departamento sa Kapitolyo ug paghatag og dugang pahalipay sa mga empleyado, may ipahigayon usab nga raffle, bugas nga ihatag alang sa tanang trabahante sa Kapitolyo.

“Naa tay daghang cash prizes. Naay daghan sa atong mga suppliers nga ganahan kaayo motabang,” matod ni Garcia.

Niadtong Sabado usab, Agusto 6, gideklarar nga non-working holiday sa tibuok probinsya lakip na ang mga dakbayan sa Sugbo, Lapu-Lapu, ug Mandaue.