SuperBalita Cebu

‘Political will’ ni Rama

-

Makabilib kon hingpit mapatuman ni Mayor Michael Rama sa daling panahon, ang pagpanggub­a sa dili mominos dos mil ka mga balay ug mga estraktura nga nasulod sa three-meter easement duol sa mga bukana sa mga suba ug sapa sa dakbayan sa Sugbo.

Usa kini sa pagsuway sa iyang political will o walay pagpanagan­a bisan kinsa ang maligsan sa pagtuman sa balaud. Kasagaran sa mga politiko mokulo dayon ang ikog ug mahadlok nga bawsan sa mga naapektoha­n pinaagi sa mosunod nga eleksiyon.

Sama sa usa ka kanhi mayor sa dakbayan nga nailang isog apan maglisod sa pagpatuman sa demolisyon sa ngalan sa tawhanong katungod. Ang tinuod nga rason, nakapabala­ka nga modaghan ang kontra sa mosunod nga eleksiyon. Ang resulta, midagsang ang squatters.

Sakto si Rama sa pagpatuman sa ngipon sa balaud. Apan angay usab niya nga hatagan og konsideras­iyon sa pagpahilun­a sa mga mapahawa nga molupyo ngadto sa laing dapit nga planado nga bag-ong komunidad aron usab masubli nga sama sa squatter’s area nga nagpunsiso­k ug walay sistema.

Hinuon, pipila ka dapit sama sa Kinalumsan River sa habagatang distrito sa dakbayan, ang mga nasulod sa easement gipangbayr­an na aron mobiya sa dapit pinaagi sa pundo gikan sa Department of Public Works and Highways (DPWH).

Apan sa pagsuyla sa maong suba ug pagbaha niadtong Huwebes sa gabii, Agusto 4, 2022, nasuta nga dunay nagpabilin sa pagpuyo sa dapit. Busa, si Rama nimando sa Prevention, Restoratio­n, Order, Beautifica­tion and Enhancemen­t (Probe) team sa dinaliang demolisyon.

Makita kaha nato ang aksiyon ning adlawa, Agusto 8, 2022? Tan-awon nato kon dili ba lang kini kutob sa baba. Dili lang ang Kinalumsan, duna pay laing mga suba ug kasapaan sa dakbayan nga hapit na lang mapilot tungod sa nanagpuyo sa daplin niini nga risgo kaayo sa ilang kinabuhi.

Ug ning panahon, ang political will ni Rama masuwayan. Makabilib kon ang iyang sulti makita sa aksiyon dihadiha dayon.

 ?? ??

Newspapers in Cebuano

Newspapers from Philippines