SuperBalita Cebu

Dagko na sila

- (sa inyong tampo ipadala lang sa papajoesup­erb@gmail.com)

Dear Papa Joe,

Tawga lang ko og Rose, 28 years old, dalaga, taga Cebu City ra. Ang akong problema kay kabahin sa akong mga kauban nga gitsismis ra sad sa akong mga kauban ug maluoy ko nila kay plastic man gud amo mga kauban. Kahibawo ko nga sayop ilang gibuhat kay mga minyo sila.

Ang babaye kay gibiyaan sa iyang bana ug ang laki, minyo ug may edad na ang asawa. Gusto nako silang badlungon sa ilang relasyon kay sila ra gyuy gisumsuman sa mga tawo apan wa gyud ni sila mangangkon kay kon sungogon sila, moingon sila nga wa silay relasyon ug friends ra. Apan mao lagi maluoy ko nila kay sila ray libakon. Unsay angay nako buhaton, mosulti ko o dili? Tambagi ko.

ROSE

Rose,

Siguro aware na na sila apan nagpakabut­a-bungol lang ug wa silay paki. Kon concern ka, sultihan nimo privately. Who knows basin di gyud diay ug close lang sila. Apan kon naa man, dagko nana sila ug nasayod na sila sa ilang mga sala.

Wa ta masayod unsay hinungdan kon ngano namugna na nga relasyon. Kasagaran naa gyuy nagtukmod. Kasagaran nato magpaka moralista ug mao ang sayop sa atong mga mata ang atong makita. Apan mao lagi, tawo man ta, naa gyuy likoy mao nga tambagan nato. Apan di ta kapugos. Usa pa, ila man nang kinabuhi ug kinabuhi sad na sa mga marites nga mag-ing ana.

Likay na lang sad para way hasol. Wa gani ka kabalo inig talikod nimo, libakon sad ka (joke).

PAPA JOE

 ?? ??

Newspapers in Cebuano

Newspapers from Philippines