SuperBalita Cebu

'Gabii sa Kabilin' mobalik sa iyang linawas nga kalihokan sa Oktubre

-

Human sa duha ka tuig nga gisuspenso tungod sa pandemiya sa Covid-19, mobalik sa iyang linawas o face-to-face ang Gabii sa Kabilin karong Oktubre 21, 2022, alas 6:00 sa hapon hangtod sa alas 12:00 sa tungang gabii.

Ang Ramon Aboitiz Foundation, Inc. (Rafi) Culture and Heritage Unit nakig-uban sa 20 ka museums, cultural organizati­ons ug local government units (LGUs) sama sa mga dakbayan sa Sugbo, Mandaue, ug Talisay ug giandam ang daghang kalihokan nga magdani sa mga batan-on.

Si Haidee Palapar, event director ug pangulo sa Kabilin Center atol sa press conference nga gipahigayo­n sa Sugbu Chinese Heritage Museum niadtong Biyernes, Agusto 5, 2022, nagkanayon nga gawas sa naandan nga programa sa matag museum, ang organizers nangandam sa usa ka vlogging ug phone photograph­y contest.

“We hope that a lot of the younger generation would turn-up in Gabii sa Kabilin. We are also offering the contest since they are very techy such as vlogging contest, photograph­y contest, and also the heritage hunt,” matod ni Palapar. Apan ang dugang mga detalye bahin sa rehistrasy­on ipagawas sa Septiyembr­e human nga mapinalisa­r sa organizers.

Matod ni Palapar, ang Gabii sa Kabilin 2022 nagdala sa tema nga “Padayon,” nga naghulagwa­y sa pagbangon sa mga Sugbuanon taliwala sa krisis sama sa pandemiya sa Covid-19 ug pagkusokus­o sa Sugbo sa bagyong Odette niadtong Disyembre 19, 2021.

MGA MUSEUM

Lakip sa tiket, gawas sa libreng pagsakay sa bus, mobalik usab ang naandan nga paborito sa mga bisita nga pagsakay sa Tartanilya o parada apan sa limitado nga bahin sa rota sa Gabii sa Kabilin.

Ang mga museum naglakip sa Archdioces­an Museum, Archdioces­an Shrine of San Nicolas de Tolentino Parish, Archdioces­an Shrine of the Most Sacred Heart of Jesus, Basilica Minore del Santo Niño Museum, Casa Gorordo Museum, Cebu City Museum, Fort San Pedro, Fo Guang Shan Chu Un temple, ug Museo Parian sa Sugbo.

Ang Palm Grass Cebu The Heritage Hotel, Rafi-The Kabilin Center, St. Theresa’s College-Sr. Ma Delia Coronel Folklife Museum, Sugbu Chinese Heritage Museum, University of the Philippine­s Cebu, University of San Carlos Museum, ug University of Southern Philippine­s Foundation Rizaliana Museum.

Dugang heritage sites sa Mandaue ug Talisay sama sa Mandaue City Presidenci­a, Cebu Archdioces­an Shrine of Jesus Nazareno Heritage of Faith Museum and Museo de Talisay.

Ang ticket price nagpabilin nga P200 apan alang sa early bird rate, kini mobalor lang og P180 kon ang pagparehis­tro sa dili pa ang Septiyembr­e 21. Ang senior citizens ug mga tinun-an dunay diskwento uban sa pagpresent­rar sa ilang IDs.

Ang mga tiket mapalit sa participat­ing sites ug tourism offices sa Cebu, Mandaue ug Talisay.

“The ticket comes with a map to guide you throughout the night where the buses are, what are the participat­ing sites museums and the contacts of these museums,” matod ni Palapar. Ipatuman usab ang health protocols ug ang organizers mopinalisa­r pa sa lagda human sa tigom sa Inter-Agency Task Force sa siyudad sa Sugbo. Gipasabot ni Palapar nga temporaryo ang paghimo sa Gabii sa Kabilin sa Oktubre 21 human ang naandan nga panahon niini sa kataposang Biyernes sa Mayo. Dason niya, ang nag-unang hinungdan sa pagsibog sa kalihokan mao ang nagpadayon­g pag-ayo sa sites nga nadaut tungod ni Odette ug ang miaging eleksiyon.

“For this year’s Gabii sa Kabilin, we will bring in even the heads of DepEd, so they could see the beauty of the event and how it could be included in their curriculum,” matod ni Palapar.

Ang Gabii sa Kabilin pagahimuon matag summer sa pagpanguna sa Rafi sukad sa 2007. Tumong niini mao ang pagsaulog sa tabunok nga kabilin ug bahandi sa Sugbo, pagila sa kultura nga kabahin sa paglambo ug ang pag-edukar sa katawhan, labina sa bag-ong henerasyon, bahin sa papel sa museums isip tighipos sa mga tipaka sa kagahapon.

 ?? / ROLANDO R. MORALLO ?? ■ PRESSCON: Si Haidee Palapar, event director ug pangulo sa Kabilin Center, atol sa press conference nga gipahigayo­n sa Sugbu Chinese Heritage Museum niadtong Biyernes, Agusto 5, 2022.
/ ROLANDO R. MORALLO ■ PRESSCON: Si Haidee Palapar, event director ug pangulo sa Kabilin Center, atol sa press conference nga gipahigayo­n sa Sugbu Chinese Heritage Museum niadtong Biyernes, Agusto 5, 2022.

Newspapers in Cebuano

Newspapers from Philippines