Isyu sa Mitchell trade nahilom
Hangtod ning puntoha, wala lang gihapon klaro kon madayon ang tinguha sa Utah Jazz nga i-trade ang ilang lider nga si Donovan Mitchell.
Natanggong man tuod kining maong isyu apan gituohan nga ang New York Knicks mao gyud ang makakuha kang Mitchell tungod kay aduna man kini 1st round picks sa National Basketball Association (NBA) nga maoy gipangita sa Jazz.
Apan sa taho sa The Athletic, layo pa sa tinuod nga madayon kini bisan parehong adunay interes ang Jazz ug Knicks.
Hinuon kon di madayon, andam man sab ang Jazz sa paghangop og balik kang Mitchell alang sa sunod season.