Obiena 3rd placer sa Poland

Naangkon ni Filipino pole vault Olympian EJ Obiena ang ikatulong dapit sa Silesia leg sa Wanda Diamond League kagahapon, Agusto 7, 2022 (RP time), sa Poland.

Si Obiena, kinsa nakalusot sa 5.73-meter mark, nagsunod nila ni record holder Mondo Duplantis (6.10m) ug Norwegian Sondre Guttormsen (5.73m).

Pareho man tuod nga makalusot sila si Obiena ug Guttormsen apan mas taas og puwesto si Guttormsen gumikan kay nakuha kini niya sa usa lang ka pagsuway samtang kaduha si Obiena.

Parehong misuway paglusot sa 5.83 sila si Obiena ug Guttormsen apan nangapakyas.