SuperBalita Cebu

Mandaue alerto tungod sa kusog nga uwan

-

Ang Mandaue City Disaster Risk Reduction and Management Office (MCDRRMO) nimando sa Barangay Emergency Response Teams (BERTs) sa dakbayan nga mopaubos sa heightened alert human sa sundosunod nga mga pagbunok sa uwan sa Metro Cebu.

Si Buddy Alain Ybañez, hepe sa MCDRRMO, nibutyag kagahapon, Agusto 8, 2022, nga kini nga inisyatiba gitumong aron sa pagseguro nga ang mga barangay sa Mandaue naa sa 100 percent

ready kon dunay kalit nga kalamidad, sama sa nahitabo niadtong Huwebes, Agusto 4, 2022.

Si Ybañez nibutyag nga ang kusog nga pag-uwan nimugna og pagbaha sa mga dapit sa Mandaue, labi na sa

flood-prone areas sama sa Barangays Centro, Looc, Opao, Umapad, Cambaro, Subangdaku, ug Paknaan.

Dul-an sa 160 ka mga pamilya sa Sitio Tambis ug Laray sa Barangay Umapad ug 11 gikan sa Barangay Ibabao ang namakwit tungod sa kusog nga pag-uwan.

Si Ybañez nagkanayon nga ang direktiba gitumong sa BERTs nga estrikto nga magbantay sa kausaban sa panahon ug pagtabang sa MCDRRMO sa pagpamakwi­t kon gikinahang­lan na.

“They (BERTs) are the ones who call us when there is a need for evacuation and guide us where to go because it is their area. So, it is important that they initiate an evacuation if highly needed because there are times the MCDRRMO personnel might arrive delayed because there are instances

that some roads become unpassable due to flood,” matod ni Ybañez.

“They should be on call as

much as possible,” dugang niya. Si Ybañez niawhag sa katawhan sa flood-prone areas nga dili magpaabot sa responders o rescuers ug mobakwit na sa labing duol nga evacuation centers sa dili pa motaas ang tubig sa baha sa ilang dapit.

Newspapers in Cebuano

Newspapers from Philippines