SuperBalita Cebu

Di hatagan

- NOY KULAS rojval69@yahoo.com NOY KULAS

Dear Noy Kulas,

Tawga lang ko sa ngalan nga Helen 40 anyos, minyo, adunay upat ka anak. Ang akong problema kabahin sa akong bana.

Sukad sa among pagminyo, nakaanak na mi og usa, di ko kagunit sa iyahang sweldo kay siya ray mo-budget tanan kay kuno siya ra may magmerkado. Kapoy na kuno nga magsige siya og pangayo nako kon naa siyay mga bayranan unya mangayo pa siya nako. Wala koy mahimo kay mao may iyang gusto. Lisod moinsister ko kay mag-away nya mi. Isog kaayo, manapat pa gani kon magkalisod maong ako na lang ang nag adjust. Ako igo ra ko makakaon, bantay sa bata ug mag-atiman niya ug sa balay. Di ko makapalit kon unsay akong gusto palitun kay wa man koy income. Di pud ko niya hatagan bisan gamay na lang nga pocket money nako. Basta unsay makaon, mao ray makaon. Wa man hinuon mi pasagdi kay kugihan man pud siya.

Niabot ang panahon nga naghuna-huna kog paninda. Nanghuwam ko sa akong igsuon og puhunan para maka income ko naa koy ako. After 2 years, nakatigum ko, akong gipahimo og abangan ang extension nga duha ka kwarto. At least naa koy income kay mamalhin na man mig puyo kay iya man mi gidala sa ilang dapit. Nahunong na ko og tinda.

Ako siyang gihangyo nga mangayo ko bisan P5,000 kada buwan kay plano nako akong ipa-repair ang daut sa akong ngipon. Di man siya mosugot kay lisud pa daw karon. Kon siya dunay pamation dali kaayo makaadto og doktor. Gikapoy na ko sa akong sitwasyon. Nagsige lang ko og pailob. Unsa may imong ika advice ani? Agwantahun ko lang ba. Basin kon dagko na akong mga bata, makahunat na ko og panguwarta nga akoa.

HELEN

Helen,

Ubos sa balaud, maka demand man ka sa imong bana og financial support kay wa ka may trabaho. Kon magdumili siya sa paghatag, sultihi siya nga ubos sa Family Code obligado siya nga mohatag. Kon di siya maminaw, ingna nga modangop ka sa barangay. Wa ka man mangita og away, but ni assert ka lang sa imong katungod isip iyang asawa.

Kon di man gani, adto dangop sa DSWD aron makaatuban­g siya og social worker ug matambagan siya nga naa ka kon moestorya. At least makapamina­w siya sa estorya ug pagpasabot sa laing tawo.

 ?? ??

Newspapers in Cebuano

Newspapers from Philippines